ශ්‍රී ලාංකේය කලා ක්ෂේත්‍රය තුල සුවහසක් රසික දනන් ගීතයෙන් සුවපත් කල සංගීතවේදිනියක වූ අප අතරින් වියෝ වූ ප්‍රවීන ගායන ශිල්පිනී අමිතා වැදිසිංහ මහත්මිය සහභාගි වූ ඇගේ ජීවිතය අලලා සැකසුනු ,
ඇය සහ නිරංජලා සරෝජිණි පෙනී සිටිය ඇගේ වටිනා ගීතාවලියද ඇතුලත් පැය දෙකක සෙනෙහසේ නවාතැන වැඩසටහන ජාතික රූපවාහිනියේ විකාශය නොකිරීම පිටුපස ඇති බලවේගය කුමක්ද ?
ඇය ගැයූ මේ උදාර ලංකා භූමියයි ගීතය ජාති වාදය අවුළුවන ගීතයක් යැයි යම් අයෙක් පවසන්නේද ?එයද මෙයට හේතුව ? සියල්ලන් නිහඬ ඇයි?
ඇය ජීවිතය හැර ගියද ජීවතුන් අතර සිටින අපට නම් මෙය මහත් ප‍්‍රහෙළිකාවකි.
ඇය පක්ෂ පාට ජාතිභේද කිසිවක් පසු පස හඹා නොගිය ගායිකාවකි .යළි කිසිදාක මේ වැඩසටහන විකාශය නොවන බවත්, විකාශය කිරීමට අවස්ථාවක් නොඑන බවත් අප ඉඳුරාම දන්නෙමු.සමස්ත කලාකරුවන්ට සහ රසික සමාජයේ කලාවට හිතැති ඔබටද යම් කැක්කුමක් ඇති නිසා මෙසේ ලියා තබමි.සත්‍ය හෙලි වේවා !
ජාතික රූපවාහිනියේ හිටපු වැඩසටහන් නිෂ්පාදකවරියක වූ විනීතා කරුණාරත්න විසින් ඇයගේ මුහුණුපොතේ තැබූ සටහනකි .
