මෙරට නිෂ්පාදිත නවතම දෙමළ සිනමාපටය “කෝමාලි කිංග්ස්” අද එනම් 23 වැනිදා සිට රීගල් ප්‍රමුඛ සී. ඊ. එල්. මණ්ඩලයේ සිනමාශාලාවන්හි තිරගත කිරීම ආරම්භ කෙරේ.
චිත්‍රපට අධ්‍යක්ෂණය සහ තිරරචනය කිංග් රත්නම් විසින් සිදු කර තිබේ.
කිං රත්නම්, රාජා ගනේෂන්, දර්ශන් ධර්මරාජ්, නිරංජනි ශන්මුගරාජා, ගජන් ගනේෂන්, සත්‍යප්‍රියා රත්නස්වාමි, ප්‍රියන්ත සිරිකුමාර, දයා වයමන් මෙහි රංගනය සපයති.
කැමරා අධ්‍යක්ෂණය මහින්ද අබේසිංහ, සහය අධ්‍යක්ෂණය නිමල් ෆ්‍රැන්සිස්, අංග රචනය වසන්ත පුර්ණවංශ, නිෂ්පාදන කළමනාකරණය මයුරංග ජාගොඩ, රේඛිය නිෂ්පාදනය ප්‍රියන්ත සිරිකුමාර සහ හර්ෂ දිසානායක, ඇඳුම් නිර්මාණය මෙලනි ගුණසේකර, ශබ්ද පරිපාලනය ශෂික රුවන් මාරසිංහ, තාක්ෂණික උපකරණ සැපයීම නිරංග වීරසිංහ විසිනි.
කෝමාලි කිංග්ස් ගනේෂ් දේවනායගම්, ආර්. සෙල්වස්කන්දනි සහ දර්ශනි රාජසිංහම් නිෂ්පාදනය කොට තිබේ.
