සුගත් සෝමවීර ගී පද සරණිය “දැන් ඉතින් සමුගන්න” සහෘද ගත කෙරේ
ගුවන් විදුලි නිවේදක, ගේය පද රචක සුගත් සෝමවීරගේ නවතම ගී පද සරණිය “දැන් ඉතින් සමුගන්න” නොවැම්බර් 3 වැනිදා ජනගත කිරීමට නියමිත ය.
එදින සවස 2 ට කොළඹ, මහවැලි කේන්ද්‍ර ශ්‍රවනාගාරයේ දී කෘතිය ජනගත කිරීමේ උත්සවය ආරම්භ කෙරේ.
ආචාර්ය රත්න ශ්‍රී විජේසිංහ, ආචාර්ය නුවන් නයනජිත් කුමාර එහිදී දෙසුම් පවත්වන අතර කෙටි අදහස් දැක්වීම සංගීතවේදී දර්ශන වික්‍රමතුංග විසිනි. සහෘද ඇමතුම හිමානන්ද රාජපක්ෂ විසිනි.
සුගත් සෝමවීරගේ 20 වසරකට ආසන්න නිර්මාණ දිවියේ ගීත එකතුවක් වන “දැන් ඉතින් සමුගන්න” සන්ථව ප්‍රකාශනයක් ලෙසින් ජනගත කෙරේ.
ඡායා: දයාන් විතාරණ
