එම්.එස්. දෝනි, මේරි කොම්, බාග් මීකා බාග්, වැනි මෑතකදී ඉන්දීය සිනමාවට එක්වුණු චරිතාපදාන චිත්‍රපට අතරට අලුතෙන්ම එකතු වන චිත්‍රපටය 'Sachin A Billion Dreams' (සචින් සිහින බිලියනයක්).
මෙහි තිර රචනය හා අධ්‍යක්ෂනය ජේම්ස් අර්ස්කයින්ගෙන්.
නිෂ්පාදනය රවි බාග්චන්ඩ්කා සහ කාර්නිවල් මොෂන් පික්චර්ස් සමාගම යටතේ 200 නොට් අවුට් නිෂ්පාදන ආයතනයෙන්. ඉන්දීය ප්‍රබල ක්‍රිකට් ක්‍රීඩකයෙකු වන සචින් ටෙන්ඩුල්කාර්ගේ පෞද්ගලික ජීවිතය සමගින් ඔහුගේ ක්‍රිකට් ජීවිතය සිනමාවට නගා තිබෙනවා.
චිත්‍රපටය මැයි 26 වෙනිදාට නිකුත් කිරීමට නියමිතයි. ඉන්දීය ජනතාව දේවත්වයෙන් අදහන ක්‍රිකට් ක්‍රීඩකයෙකු ගැන සිනමාවට නැගූ මෙම චිත්‍රපටයට ඉහළ ප්‍රතිචාර ලැබෙනු ඇතැයි අනාවැකි පළ වී තිබෙනවා.
