අමීර් ඛාන් සහ කිරාන් රාඕ වෙන්වීම නිවේදනය කළේ ජූලි 3 වනදා ය.මෙම යුවළ විවාහ වී වසර 15 කි.ඔවුන්ගේ දික්කසාදය අවසානයක් ලෙස නොව නව ගමනක ආරම්භය ලෙස විස්තර කළ අමීර් සහ කිරාන් කියා සිටියේ තම පුත් අසාද් වෙනුවෙන් කැපවූ දෙමව්පියන් ලෙස රැඳී සිටින බවයි.

ඔවුන් තවදුරටත් එක්ව ව්‍යාපෘතිවල වැඩ කරන බව ද කියා සිටියහ.එම ප්‍රකාශයේ මෙසේ සඳහන් විය." මේ සුන්දර අවුරුදු 15 තුළ අපි ජීවිත කාලය පුරාම අත්දැකීම්,ප්‍රීතිය හා සිනහව බෙදාගෙන ඇති අතර අපගේ සම්බන්ධතාවය වර්ධනය වී ඇත්තේ විශ්වාසයල ගෞරවය සහ ආදරය පමණි. දැන් අපි අපේ ජීවිතයේ නව පරිච්ඡේදයක් ආරම්භ කිරීමට කැමතියි - තවදුරටත් ස්වාමිපුරුෂයා සහ භාර්යාව ලෙස නොව, එකිනෙකා සඳහා සම-දෙමාපියන් සහ පවුලේ අය ලෙසය."

එහි තවදුරටත් මෙසේ සඳහන් විය, අපි කලකට පෙර සැලසුම් සහගත වෙන්වීමක් ආරම්භ කළෙමු. දැන් වෙනම ජීවත්වීමටත්, පවුලක් මෙන් අපගේ ජීවිත බෙදා ගැනීමටත් පහසුයි .අපි අපේ පුතා අසාද් වෙනුවෙන් කැපවූ දෙමව්පියන් ලෙස සිටින්නෙමු චිත්‍රපට සහ පානි පදනම ව්‍යාපෘති සඳහා සහයෝගිතාකරුවන් ලෙස අපි දිගටම කටයුතු කරන්නෙමු.

අපගේ පවුල්වලට සහ මිතුරන්ට ස්තූතිවන්ත වෙන අතර කිසිවෙකු නොමැතිව මෙම පිම්ම ගැනීමට අපට එතරම් සුරක්ෂිත නොවනු ඇත. අප මෙන්ම - මෙම දික්කසාදය අවසානයක් ලෙස නොව නව ගමනක ආරම්භයක් ලෙස ඔබ දකිනු ඇතැයි අපි බලාපොරොත්තු වෙමු.

මීට වසර 20 කට පෙර ලගාන් චිත්‍රපටයේ රූගත කිරීම් අතරතුර අමීර් ඛාන්ට කිරන් රාඕ හමුවිය. කිරන් චිත්‍රපටයේ සහාය අධ්‍යක්‍ෂවරියක ලෙස කටයුතු කරන ලදී.ඔවුන් එහිදී දැන හඳුනා ගත්තද ඔවුන් අතර සම්බන්ධයක් ඇති නොවුනද පසුව අමීර්ගේ ප‍්‍රථම විවාහයෙන් දික්කසාද වූ පසු කිරන් හා අමීර් අතර ඇතිවූ සම්බන්ධයේ ප‍්‍රතිපලය වූයේ ඔවුන් එකවහලක් යටට පත්වීඹයි. 2011 දෙසැම්බර් 05 දින අමීර්ට සහ කිරන් ට දාව අමීර්ගේ දෙවැනි දරුවා වූ අසාද් රාඕ ඛාන් ඉපැදිනි.
දැන් මේ දෙදෙනා මේ දරුවාගේ සුරක්‍ෂීත අනාගතය වෙනුවෙන් වැඩ කරන බවට ප‍්‍රකාශ කර ඇති නිසා ඔවුනොවුන් සම දෙමව්පියන් ලෙස ඉදිරියේදී මුණගැසෙනු ඇත .
අමීර් සහ කිරන්ගේ ඉදිරි ගමන කෙසේවනු ඇතිද?