දෙසැම්බර් 21 වැනිදා පැවැත්වෙන 'රිදී රැයක්' ප‍්‍රසංගයෙන් එකතු වන මුදලින් කලාකරුවන්ගේ සුබ සාධනය වෙනුවෙන් මෙන්ම විවිධ අවශ්‍යතා ඇත්තවුන් වෙනුවෙන් යෙදවීමට නියමිතය.
සිනෙස්ටාර් පදනම සහ යුනිලීවර් ආයතනය සමඟ එක්ව පවත්වනු ලබන 2024 ලක්ස් රිදීරැයක් ප්‍රසංගය දෙසැම්බර් 21 සවස 6.30ට කොළඹ ජාත්‍යන්තර බණ්ඩාරනායක සම්මන්ත්‍රණ ශාලාවේදී පැවැත්වීමට සියලු කටයුතු සූදානම් කොට ඇත.
22 වැනි වරටත් පවත්වනු ලබන රිදී රැයක් ප්‍රසංගයට ප්‍රවීණ කලාකරුවන් මෙන්ම ජනප‍්‍රිය සිනමා තාරකාවන් රැගුමෙන් නර්තනයෙන් දායක වන අතර චන්න - උපුලී රංගායතනය රංගන නර්ථන දායකත්වය ප‍්‍රසංගය සාර්ථක කරගන්නට මෙවරත් දායකත්වය ලබා දී ඇත.
ලංකාවේ සෑම වසරකම ජනප‍්‍රිය නළු නිළියන් පිරිවරා පවත්වනු ලබන මෙම විචිත‍්‍රවත් ප‍්‍රසංගය නරඹන්නට බොහෝ දෙනෙක් අපේක්‍ෂා දල්වාගෙන සිටිති.