මාවල් චිත්‍රකතා වීරයන් වන ඩෙයාර්ඩෙවිල්, ජෙසිකා ජෝන්ස්, ලූක් කේජ් සහ අයන් ෆිස්ට්ගේ වික්‍රම ඇතුළත් රූපවාහිනී කතාමාලා පසුගිය වසර පුරා ඇමෙරිකාවේ නෙට්ෆ්ලික්ස් නාළිකාව ඔස්සේ විකාශය වුණා. මෙම කතාමාලා සියල්ලම පාහේ ලොව පුරා කුඩා,වැඩිහිටි භේදයකින් තොරව අතිශයින් ජනප්‍රියතත්වයට පත් විය.
එම සාර්ථකත්වයත් සමඟ මෙම චරිත සියල්ල එක්කොට නිර්මාණය වුණු Defenders ටෙලි කතා මාලාව තව නොබෝ දිනකින් නෙට්ෆ්ලික් නාළිකාවෙන් විකාශය වීමට නියමිතය.
Defenders කතා මාලාවේ මංගල දැක්ම පසුගිය දා නිව්යෝක් නුවරදී පැවැත්විණි. ඊට මැට් මර්ඩොක් හෙවත් ඩෙයාර්ඩෙවිල් ලෙස චරිත නිරූපණය කරන චාලි කොක්ස්, ජෙසිකා ජෝන්ස් ලෙස චරිත නිරූපණය කරන ක්‍රිස්ටන් රිටර්, අයන් ෆිස්ට් ලෙස චරිත නිරූපණය ෆින් ජෝන්ස් සහ ලූක් කේජ් ලෙස චරිත නිරූපණය මයික් කෝල්ටර් ඇතුළු සෙසු රංගන ශිල්පින් ශිල්පිනියන් රැසක් සහභාගී විය.
