සම්මානනීය ටෙලි නාට්‍ය සහ චිත්‍රපට නිර්මාණවේදියකු වන සුදත් රෝහණගේ කලා දිවියට දශක තුනක් පිරිම නිමිත්තෙන් විශේෂ උපහාර උළෙලක් සංවිධානය කර තිබේ.
ඔහුගේ සේවය අගයමින් පැවැත්වෙන මෙම උළෙල එළැඹෙන 26 වැනිදා සවස 6 ට කොළඹ 07 බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්වෙනු ඇත.
සුදත් රෝහණයන්ගේ නිර්මාණයන් පිළිබඳ ශාස්ත්‍රීය ග්‍රන්ථයක් ද එහිදී එළිදැක්වීමට නියමිතය.
ඔහුගේ නිර්මාණයන් ඩී වී ඩී සහ සී ඩී මාධ්‍යයෙන් ද එදින ජනගත වනු ඇත.
ඊට සමගාමීව ඔහු පිළිබඳ රූපවාහිනි වාර්තා වැඩ සටහනක් එළිදැක්වීම සහ ඔහුගේ නාට්‍යවල රචකයන් මෙන්ම නිෂ්පාදකවරුන් ඇගැයීම ද සිදු කරනු ලැබේ.
උපහාර උලෙළ සංවිධානය කර ඇත්තේ සත්ජන සහෘද සංසදය විසිනි.
