බී. සිරිතුංග පෙරේරා ගේ දෙවැනි සිනමා නිර්මාණය වන “පෝරිසාදයා”, මේ වනවිට සිනමාශාලා වල ප්‍රදර්ශනය කෙරෙන ඩොක්ටර් නවරියන් ට පසුව තිරගත කිරීම සඳහා කටයුතු සුදානම් කර තිබේ.
ශ්‍රියන්ත මෙන්ඩිස්, උදාරි වර්ණකුලසුරිය, දර්ශන ධර්මරාජ්, කුමාර තිරිමාදුර, උදාර රත්නායක, කමල් දේශප්‍රිය, අමිල කරුණානායක, අයිෂරා අතුකෝරාල, හෂිනි කරලියද්ද, සරත් දික්කුඹුර, ඩි.බී. ගංගොඩතැන්න, රාජසිංහ ලෝලුවාගොඩ, ප්‍රියන්ත විජේසිංහ, කපිල සිගේරා ඇතුළු රංගන ශිල්පින් ශිල්පිනියන් රැසක් මේ සඳහා දායකත්වය ලබා දී ඇත.
“පෝරිසාදයා” සඳහා සංගීතය සුනෙත් කැලුම් විසිනි. ගී පද රචනය ආනන්ද පද්මසිරි අතින් නිම කර ඇති අතර හඬ දායකත්වය කුෂානි සඳරේඛා, සුනෙත් කැලුම් සහ නිෂි තෙන්නකෝන් ලබා දී තිබේ.
කැමරාකරණය මහේෂ් කරුණාරත්න, කලා අධ්‍යක්ෂණය උපාලි උදයසිරි, සංස්කරණය ප්‍රවීන් ජයරත්න, කාර්මික අධ්‍යක්ෂණයෙන් හර්ෂ උඩකන්ද, නිෂ්පාදන කළමනාකරණයෙන් දිලිප් මෙන්ඩිස් විසින් සිදුකර ඇත.
මෙය ඉන්දික විජේරත්න සමඟින් චන්ද්‍රසේන පළිහේන නිෂ්පාදන කටයුත්තකි.
