සුප්‍රකට ඇමරිකානු “ගේම් ඔෆ් ත්‍රෝන්ස්” කතා මාලාවේ පෙම්වතුන් ලෙස රංගන දායකත්වය ලබා දෙමින් ප්‍රේක්ෂක ආදරය දිනාගත් කිට් හැරීන්ටන් සහ රෝස් ලෙස්ලි යුවල මේ මාසයේ ස්කොට්ලන්තයේ දී විවාහ වීමට නියමිත බව නිවේදනය කර තිබෙනවා.

ඒ අනුව ඔවුන් දෙදෙනා එළඹෙන ජූනි 23 වැනිදා යුග දිවියට පිවිසීමට නියමිතයි.

ෆැන්ටසි ටීවී සිරිස් එකක් ලෙසින් ලොව පුරා ජනාදරයට පාත්‍ර වුනු Game Of Thrones හි ජෝන් ස්නෝ සහ යිග්‍රිට් ගේ චරිතයට පණ පෙවූ යුවල එකිනෙකා මුණගැසී තිබුනේ 2012 වසරේදීය. එනම් මෙම කතා මාලාවේ රුගත කිරීම් අතරතුරේදීය.

තිර රචනයට අනුව යිග්‍රිට්ගේ චරිතය මින් වසර දෙකකට ඉහතදී කතාමාලාවෙන් ඉවත් වුව ද ජෝන් ස්නෝ ගේ චරිතය Game Of Thrones හි 7 වැනි මාලාව දක්වා අඛණ්ඩව පැමිණියේ විශාල ජනප්‍රියත්වයක් ද එක් කරගනිමිනි.