ලෝක ප්‍රකට ගේම් ඔෆ් ත්‍රෝන්ස් කතාමාලාවේ අවසානය ගැන දැනගන්න බොහෝ දෙනෙක් පසුවන්නේ ඉතා නොඉවසිල්ලෙන්.
2011 වසරේ පටන් රූපවාහිනිය ඔස්සේ විකාශනය වු මෙහි අවසන් කතා මාලාව එනම් 8 වැන්න විකාශනය කිරීමට නියමිත වන්නේ එළඹෙන වසරේදී යි.
එහි රූපගත කිරීම් මේ වනවිටත් සිදු කරමින් පවතින බවයි HBO ආයතනය පවසන්නේ.
කොහොම වුනත් ගේම් ඔෆ් ත්‍රෝන්ස් අවසානය ගැන යම්කිසි ඉඟියක් පළ කරන්නට එහි ප්‍රධාන චරිතයක් වු ආර්යා ස්ටාක් ට පණ පොවන මෙසී විලියම්ස් පසුගියදා කටයුතු කර තිබෙනවා.
ටෙලි මාලාවේ රූපගත කිරීම වලට සමුදෙමින් තමයි ඇය මේ බව අඟවා ඇත්තේ.
රතු පාට ඉහිරුණු තම පාවහන් යුගල ඉන්ස්ටග්‍රෑම් සමාජ මධ්‍යයේ පළ කළ ඇය මෙසේ සටහනක් තබා තිබුණා.
“සමුගන්නම් බෙල්ෆාස්ට්, සමුගන්නම් ආර්යා, සමුගන්නම් ගේම් ඔෆ් ත්‍රෝන්ස්. මොන තරම් සතුටක් මම ලැබුවද.”
එසේම ඇය යෙදු හෑෂ් ටැග් සටහනක් වෙත බොහෝ දෙනකුගේ අවදානය යොමු වි තිබෙනවා.
මෙසී විලියම්ස් එහි පළ කර ඇත්තේ ජීවත්ව සිටින අවසන් කාන්තාව #lastwomanstanding වැනි අදහසකි.
මෙම කතා මාලාවේ අවසානය වනතෙක් නොමැරී ජීවත්ව සිටින එකම කාන්තාව ආර්යා බව ඉන් අදහස් කරන බවයි බොහෝ දෙනකුගේ මතය වි ඇත්තේ.
