රත්මලාන වෘත්තීය තාක්ෂණ විශ්වවිද්‍යාලය(UoVT) විසින් මෙහෙයවනු කරනු ලබන කෙටි චිත්‍රපට තරගාවලියක් සඳහා නිර්මාණ භාර ගැනීම මේ දිනවල සිදුකෙරේ.

එම විශ්වවිද්‍යාලය මඟින් වාර්ෂිකව සංවිධාන කරනු ලබන කෙටි චිත්‍රපට උළෙල වෙනුවෙන් මෙම තරගය පැවැත්වේ.

ඒ අනුව දිවයින පුරා වෙසෙන නිර්මාණකරුවන්ට වයස් බේදයකින් තොරව මේ සඳහා සිය නිර්මාණ ඉදිරිපත් කළ හැකිය.

විනාඩි 2 ත් 5 ත් අතර කෙටි චිත්‍රපට ඔක්තෝබර් 15 වැනිදාට ප්‍රථම “අධ්‍යක්ෂ මාධ්‍ය හා තොරතුරු සේවා, වෘත්තීය තාක්ෂණ විශ්වවිද්‍යාලය, 100, කඳවල, රත්මලාන” යන ලිපිනයට එවිය යුතුය.  

එහිදී ජූරිය විසින් තෝරාගනු ලබන විශිෂ්ටතම කෙටි චිත්‍රපට ත්‍රිත්වයකට සහ තවත් කෙටි චිත්‍රපට 5 කට වටිනා මුල්‍යමය ත්‍යාග හිමිවනු ඇත.

වැඩි විස්තර සඳහා  0112 630 746 දුරකථන අංකය අමතන්න.