ප්‍රංශ ගායකයකු මෙන්ම ගීත රචකයකු වූ චාල්ස් අස්නවර් ජිවිතයෙන් සමුගෙන තිබෙනවා.

අවුරුදු 80 කට අධික කාලයක් ක්ෂේත්‍රයේ රැඳී සිටි ඔහු මියයන විට 94 හැවිරිදි වියේ පසුවිය.

ගිනිකොන දිග ප්‍රංශයේ පිහිටි චාල්ස් අස්නවර්ගේ නිවසකදී ඔහු මියගොස් ඇති බව විදෙස් මාධ්‍ය වාර්තා කරනවා.

අර්මේනියානු සංක්‍රමණික දෙමාපියන්ට දාව උපත ලැබූ ඔහුගේ ගී තැටි මිලියන 180 කට අධික ප්‍රමාණයක් අලෙවි වී ඇත.

එසේම ඔහු සිනමාපට 60කට අධික සංඛ්‍යාවක් වෙනුවෙන් දායකත්වය ලබා දී තිබේ.

1974 දී නිකුත් වූ “She” ගීතය නිසා චාල්ස් අස්නවර් වැඩි ප්‍රසිද්ධියක් අත්කරගත්තේ ය.