වෙනස් විදියට චිත්‍රපට පෙන්නන වැඩක් මෙන්න

දෙවැනි වරටත් සංවිධාන කෙරෙන “Cinema on Tour 2018” එළඹෙන සතියේ සිට එනම් ඔක්තෝබර් 31 වැනිදා සිට සිය සංචාරය ආරම්භ කිරීමට නියමිත ය.

සිනමා දැක්මවල් සහ සංවාද ලෙසින් සිදු කෙරන මෙම කටයුත්ත ප්‍රදේශ 6 ක පැවැත්වෙනු ඇත.

ඒ අනුව ඔක්තෝබර් 31 වැනිදා මඩකලපුව ස්වාමි විපුලානන්ද ආයතනය, නොවැම්බර් 3 වැනිදා මන්නාරම ප්‍රාදේශීය ලේකම් කාර්යාල ශ්‍රවණාගාරය, නොවැම්බර් 4 වැනිදා වවුනියාව හොටෙල් ප්‍රින්ස් රෝස්, නොවැම්බර් 5 වැනිදා මුලතිව් හි වල්ලිපුරම්, දේවිපුරම්, සුතන්තිරපුරම් , නොවැම්බර් 10 වැනිදා අම්පාර කූප් ඉන් සහ නොවැම්බර්  12 වැනිදා මොනරාගල බුද්දම, ඇතිමලේ, තිස්සපුර හිදී උක්ත සෑම දිනකම උදැසන 9.30 සිට සිනමා දැක්මවල් සහ සංවාද සිදු කෙරේ.

ඇජෙන්ඩා 14, චයිල්ඩ් ෆන්ඩ් සහ ජර්මානු සංස්කෘතික මධ්‍යස්ථානය එක්ව සංවිධානය කරනු ලබන මේ වැඩසටහන සඳහා ඇතුල් වීම නොමිලේ.