අහස පොත් වැස්ස 2019 සහ අහස හරසර සම්මාන ප්‍රදානය තරංගනියේ දී
“අහස පොත් වැස්ස 2019” ප්‍රකාශන කලාවේ දැවැන්ත පෙරළියේ තුන්වැනි දිගහැරුම සැප්තැම්බර් 22 වැනිදා සවස 3 ට ජාතික චිත්‍රපට සංස්ථා තරංගනී ශාලාවේ දී පැවැත්වීමට කටයුතු සුදානම් කර තිබේ.
ඊට සමගාමිව සංවිධාන කරන ‘අහස හරසර සම්මාන ප්‍රදානය’ ද එදින පැවැත්වේ.
සාහිත්‍ය උන්නතිය උදෙසා පෑනෙන් කළ මෙහෙවර වෙනුවෙන් ප්‍රවීන ලේඛකයන් දෙදෙනකු, සාහිත්‍ය කලා ශාස්ත්‍රීය දැනුම වර්ධනය කිරීම උදෙසා අනවරත මෙහෙවරක නියැලෙන සාහිත්‍යවේදියෙක් සහ සාහිත්‍ය පෝෂණය වෙනුවෙන් පෑනට එහා යමින් සිදුකරන විශිෂ්ට සමාජ මෙහෙවර වෙනුවෙන් මානව හිතවාදියෙක් එහිදී අහස හරසර සම්මාන උපහාරයෙන් පිදුම් ලැබීමට නියමිත ය.
එදින ආරාධිත දේශන සිදු කරනු ලබන්නේ ආචාර්ය සුනිල් විජේසිරිවර්ධන සහ සාහිත්‍යවේදී කෞශල්‍ය කුමාරසිංහ විසිනි.
අහස පොත් වැස්සට එක්වන මෙන් ඔබටත් ඇරයුම්!
