ගෝල්ඩන් ග්ලෝබ් සම්මානලාභී නිළි ඩයහාන් කැරොල් දිවි රඟ මඩලට සමුදෙයි

ගෝල්ඩන් ග්ලෝබ් සම්මානලාභී ප්‍රවීන ඇමරිකානු රංගන ශිල්පිනි ඩයහාන් කැරොල් අභාවප්‍රාප්ත වී තිබේ.

මියයන විට 84 හැවිරිදි වියේ පසුවූ ඇය, වේදිකාවේ විශිෂ්ටයින් අගයා පිරිනැමෙන ටෝනි සම්මානයෙන් පිදුම් ලැබූ පළමු කළු ජාතික කාන්තාව යි. බ්‍රෝඩ්වේ වේදිකා නාට්‍යයක් වූ No String හි රංගනය උදෙසා 1962 දී හොඳම නිළිය ලෙස ඇය ටෝනි සම්මාන දිනා ගත්තා ය.

එසේම 1972 ඔස්කාර් සම්මාන උළෙලේ හොඳම නිළිය නිර්දේශ අතරට ද කැරොල් පැමිණියා ය. ඒ Claudine සිනමාපටය වෙනුවෙනි.

කලක පටන් පිළිකා රෝගයෙන් පිඩා විඳි ඇය 4 සිකුරාදා ලොස්ඇන්ජලීස් නුවර පිහිටි සිය නිවසේ දී අවසන් හුස්ම හෙලූ බව විදෙස් මාධ්‍ය වාර්තා කරයි.