ෆ්ලොරිඩා ජයලත්ගේ “ස්වීප් ටිකට්” මාර්තු 4 ජර්මානු සංස්කෘතික මධ්‍යස්ථානයට

ජර්මානු සංස්කෘතික මධ්‍යස්ථානයේ මාසිකව පැවැත්වෙන සිනමා දැක්ම සහ සංවාදයේ මාර්තු ප්‍රදර්ශනය සඳහා ෆ්ලොරිඩා ජයලත්ගේ සිනමා අධ්‍යක්ෂණයක් වන “ස්වීප් ටිකට්” තිරගත කිරීමට කටයුතු සුදානම් කර තිබේ.

චිත්‍රපටය ප්‍රදර්ශනය කෙරෙනුයේ මාර්තු 4 වැනිදා සවස 6ට, කොළඹ ජර්මානු සංස්කෘතික මධ්‍යස්ථානයේ දී ය.

“"Women making films” නමින් එදින සිනමා සංවාදයක් පැවැත්වෙන අතර ඊට ලංකා බණ්ඩාරනායක, ෆාතිමා ශනාස් සහ යශෝධරා කාරියවසම් එක් වීමට නියමිත ය. එදින වැඩසටහන මෙහෙයවීම අනෝමා රාජකරුණා විසිනි.

1965 දී නිර්මාණය කළ “ස්වීප් ටිකට්” මෙරට ප්‍රථම කාන්තා සිනමා අධ්‍යක්ෂණය වේ.