“දැකල පුරුදු කෙනෙක්” තිර රචනය මාර්තු 18 එළියට

මලිත් හෑගොඩගේ අධ්‍යක්ෂණයෙන් සහ බූපති නලින් වික්‍රමගේගේ තිර රචනයක් අනුව නිර්මාණය වුණු “දැකල පුරුදු කෙනෙක්”  සිනමාපටයේ තිර රචනය, කෘතියක් ලෙස එළිදැක්වීමට නියමිත ය.

ඒ මාර්තු 18 බදාදා කොළඹ, විජේරාම මාවත ටවර් පදනම ශ්‍රවණාගාරයේ දී ය. (BMICH අසල)

නිෂ්පාදන තොරතුරු, විචාර හා ප්‍රේක්ෂක අදහස් ද ඇතුලත් මෙම කෘතිය එළිදැක්වීම එදින පස්වරු 3.30ට සිදු කෙරෙන අතර පස්වරු 1ට “දැකල පුරුදු කෙනෙක්” චිත්‍රපටය ප්‍රදර්ශනය කෙරේ.

එසේම ප්‍රවීන සිනමාවේදී ප්‍රසන්න විතානගේ විසින් “සිනමා තිර රචනය” මැයෙන් දේශනයක් ද එහිදී සිදු කිරීමට නියමිත ය.

“දැකල පුරුදු කෙනෙක්” අහස පොත් ප්‍රකාශනය කි.