ජනවාරි 29 වැනිදාට යෙදෙන සිය උපන්දිනය වෙනුවෙන් 'සත්සර පාරමිතා' නමින් වයලීන 1000ක් ශ්‍රී ලංකාවේ පාසැල් දරුවන්ට බෙදාදීමේ වැඩපිළිවෙළක් ප්‍රවීණ ගායන ශිල්පී කීර්ති පැස්කුවෙල් ආරම්භ කර තිබේ.

මේ වන විට වයලීන 650ක් ඉන් බෙදා දී අවසන් අතර ඉතිරි වයලීන 350 උපන්දිනයට බෙදා දීමට ගායන ශිල්පියා කටයුතු කරමින් හිඳී.
වයස අවුරුදු 10න් පහළ දරුවන් සඳහා මෙවර වයලීන ලබා දෙන අතර ඒ සඳහා ඉල්ලුම් කළ හැක්කේ සිය පාසැල හරහා ඉල්ලීම් කරන දරුවන් සඳහා පමණක් බව ගායන ශිල්පියා කරුණාවෙන් දැනුම් දෙයි.
පාසැලේ සංගීත ගුරුවරයා සහ විදුහල්පතිතුමාගේ සහතිකයක් සමග ලිපියක් 'සොනික් මියුසික් සෙන්ටර්, අංක 206, ස්ටැන්ලි තිලකරත්න මාවත, නුගේගොඩ ලිපිනයට යොමු කිරීමෙන් මෙම කටයුත්ත සාර්ථක කරගත හැක. (077) 737 8045 අංකයෙන් සෙවිඳු පැස්කුවල්
අමතන්න.