මායාවරුන්ගේ ලෝකය නැවත වරක් ඔබ වෙත සමීප කරවන “ෆැන්ටෑස්ටික් බීස්ට්ස්: ද ක්‍රයිම් ඔෆ් ග්‍රීන්ඩල්වෝල්ඩ්” සිනමාපටයේ නිල පූර්ව ප්‍රචාරක පටයක් පසුගියදා අන්තර්ජාලය වෙත නිකුත් කෙරුණි.
ෆැන්ටෑස්ටික් බීස්ට්ස් ඇන්ඩ් වෙයා ටු ෆයින්ඩ් දෙම් හි දෙවැනි සිනමාපටය ලෙස මෙය සැලකේ.
මෙහි ප්‍රධාන චරිතයක් වන ගැලර්ට් ග්‍රීන්ඩල්වෝල්ඩ් සඳහා පණ පොවනු ලබන්නේ සුප්‍රකට හොලිවුඩ් රංගන ශිල්පී ජොනි ඩෙප් විසිනි.
සෙසු චරිත වෙනුවෙන් පෙනී සිටින්නේ එඩී රෙඩ්මෙන්,ජූඩ් ලෝ, සොඑ ක්‍රවිට්ස්, එස්රා මිලර්, කැතරින් වෝටර්සන්, ඇලිසන් සුඩොල්, ඩෑන් ෆොග්ලර් ඇතුළු පිරිසකි.
ප්‍රකට හැරී පොටර් සිනමාපටයේ දැක්වෙන හොග්වර්ට්ස් මායා පාසලේ ආරම්භය වෙත අප ගෙන යන “ෆැන්ටෑස්ටික් බීස්ට්ස්: ද ක්‍රයිම් ඔෆ් ග්‍රීන්ඩල්වෝල්ඩ්” හි තිර පිටපත ජේ.කේ. රෝලින්ග් විසිනි.
සිනමාපටය තිරයට එන්නේ එළඹෙන නොවැම්බර් 16 වැනිදා ය.
