අනුෂ්ක රසාංජන සිල්වා අධ්‍යක්ෂණය කළ, සාරංග දිසාසේකරගේ කුළුඳුල් ටෙලි නාට්‍ය නිෂ්පාදනය වූ TAKE CARE ටෙලිනාට්‍යයේ දෙවැනි කොටසක් නිෂ්පාදනය වන්නේද යන්න මේ වන විට කතාබහට ලක් වෙමින් තිබේ.
ඒ පසුගියදා නාට්‍යයේ ප්‍රධාන චරිත වාසල සහ අසේනි ලෙස රඟපෑ සාරංග - රෙබෙකාගේ ඡායාරූපයක් සාරංග සිය ෆේස්බුක් ගිණුමේ පළ කිරීමත් සමගිනි.
"Take Care - Season 02 වාසල - අසේනි 'බැඳපු අලුත' කතාව ?" සඳහනත් සමග සාරංග එම ඡායාරූපය පළ කර තිබූ අතර ඒ සමග නාට්‍යයේ රසික ප්‍රජාව තවත් කොටසක් පැමිණේද යන කුතුහලය සහිතව පසු වන බව පෙනෙන්නට තිබේ. ඒ හේතුවෙන්ම දෙවැනි කොටසක් එපා යන පිරිසද එහිදී වැඩි වශයෙන් දකින්නට ලැබේ.
ඇතැමෙකු "මම නම් පෞද්ගලික ව කැමති නෑ සීසන් 2 එනවට. ඔයාලගෙ පලවෙනි කතාව හොඳටම හොදයි ඒ අවසානයත් හොදයි. ඒ නිර්මාණය එතනින් අවසන් වෙනවනම් ඒකට තිබ්බ ඇගයීම ප්‍රේක්ෂක ආදරය හැමදාටම ෂහ් ඒක නම් මරු කතාවක් 👌 කියන තැන දිගටම තියෙයි. ලංකාවෙ එක්කො හෑලි වගේ කතා අදිනවා. නැත්තන් හොදට සීසන් එක ගහල ආයෙ සීසන් එකක් ගේනව. ඔයාලට පුලුවන් නම් ලංකාවෙ ට්‍රෙන්ඩ් එකක් හදන්න එපිසෝඩ් 16/20 ලස්සන ස්ක්‍රිප්ට් එකකින් ඉවර වෙන ඩ්‍රාමා වලට ..." යනුවෙන් ඡායාරූපය සඳහා ප්‍රතිචාර ලෙස සඳහන් කර තිබිණි.
