ජනප්‍රිය නළුවකු වන ජනිත් වික්‍රමගේ සිය මූලිකත්වයෙන් සෑම වසරකදීම සංවිධානය කරනු ලබන ලේ දන්දීමේ කඳවුර 2025 මේ වසරේදීත් පැවැත්වීමට කටයුතු යොදා තිබේ.

රුධිර පරිත්‍යාගශීලීන්ට සහභාගි විය හැකි ලේ දන්දීමේ කඳවුර එළඹෙන පෙබරවාරි 01 වැනිදා උදෑසන 8.30 සිට දහවල් 01 දක්වා කොළඹ 05 පිහිටි ජාතික ලේ බැංකුවේදී පැවැත්වේ.
රුධිර අවශ්‍යතාව සහිත වූවන්ගේ ජීවිත බේරා ගැනීමට සහ ඒ වෙනුවෙන් තරුණ පිරිස අතර පරිත්‍යාගශීලී අදහස් ඇති වීමට පොළඹවන JANU29 මෙම වැඩසටහන ජනිත් විසින් සංවිධානය කරනු ලබන්නේ 14 වැනි වතාවටය.
මෙම මහඟු සමාජ සත්කාරයට ජනිත් වික්‍රමගේ රුධිර පරිත්‍යාගශීලීන්ට ආරාධනා කරයි.