අපූර්වා මන්දාරමීගේ 'කඩවර කෘතියේ' පිදුම සම්බන්ධයෙන් සමාජ ජාල ක්‍රියාකාරියෙකු උපහාසාත්මක කෙටි සටහනක් තබමින් අසා තිබුණේ 'ඩිම්බෙ දෙන්නේ එහා ගෙදර ගෑනිද යකෝ' යනුවෙනි.
අපූර්වා ඇගේ කෘතියේ පිදුම ලියා තිබුණේ
ගර්භාෂය දුන්
අම්මාටත්
ශුක්‍රාණුව දුන්
තාත්තාටත් යනුවෙනි.
කෘතියකට පිදුමක් ලිවීමේ අයිතිය ඇත්තේ එම කෘතියේ ලේඛකයාට හෝ නිර්මාණකරුවාට වීමත් එයින් සමාජයට වන අගතිය කුමක්ද යන්න විමසීමකින් තොරව පිදුමක් ප්‍රසිද්ධියේ විවේචනය හෝ නිර්වචනය කිරීම සාමාන්‍යයෙන් සිදු නොවන්නකි.
කෙසේ නමුත්, ඉහත යෙදුම හේතුවෙන් අපූර්වාගේ මෙම පිදුම ප්‍රශ්න කෙරී තිබූ අතර ඇය ඒ වෙනුවෙන් එම සමාජ ජාල ක්‍රියාකරුට මෙසේ පිළිතුරු දී තිබිණි.
ඔයාගේ දැනගැනීමට මම කියන්නම් මල්ලි.තාත්තා මට එයාගේ අයිතිය මුලින්ම දෙන්න පටන් ගත්ත තැන තමයි ශුක්‍රාණුව.ඩිම්බේ නොකියා මම ගර්භාශෙ කියන වචනේ පාවිච්චි කරේ මට අම්මගේ ගර්භාශෙ කියන්නෙ විශ්වයක් වගේ නිසා.මාව නිර්මාණය වුන තැන නිසා.අනික ඉතින් ගර්භාශේ කිවුවම ඔටොමැටිකලි ඩිම්බේ අයිති වෙනවානෙ.මට ඕන වුනේ පොඩි වචන ටිකකින් මේ හැමදේම කියන්න.මම හිතුවටත් වඩා දේවල් මේ පුංචි අකුරු ටිකෙන් කියන්න පුලුවන් කියලා සහ මේක කොයි තරම් පැති වලින් ග්‍රහණය කරන්ගන්න පුලුවන් නිර්මානශීලී මිනිස්සු අපි අතරෙම කියලා කමෙන්ට් කියවලා මේ දවස් වල මම තේරුම් ගන්නවා.මම හරි සතුටින් ඔයාලගේ මේ කමෙන්ට් කියවන්නේ.මේ වගේ එක එක අදහස් හරි වටිනවා මට...පොතේ නම කඩවර.මේ වෙද්දී පොත පස් වෙනි පාරට මුද්‍රණය වෙන්නේ .නිකමට කියවලා බලන්න.පොතත් කියවලා මේ වගේම අදහස් කියන්න.ඉතින් අදහස් කියන ශෙයාර් කරන හැමෝටම ගොඩක් ස්තූතියි .මේ වෙද්දි ගොඩක් අය පොත ගැන අහනවා.ක්‍රෙඩිට් එක ඔයාලා හැමොටම යන්න ඕන. අම්මා තාත්තා ගැන නම් දුක් වෙන්න එපා .මොකද ඒ දෙන්නා හරි ලස්සනට මේ පිදුම තේරුම් අරන් පොතම කියවපු දෙමව්පියෝ දෙන්නෙක්.ඉතින් ගොඩාක් ස්තූතියි වටිනා කාලය වැය කරලා කමෙන්ට් කරන ශෙයාර් කරන හැමෝටම.❤️❤️
- අපූර්වා මන්දාරමී
