ලොව සුන්දරතම කාන්තාවන් අතරින් දෙවන තැන හිමි කරගන්නට තරම් බොලිවුඩ් සුරූපිනිය ප්‍රියංකා චොප්රා වාසනාවන්ත වුණා. ලොස් ඇන්ජලීස් නුවර Buzznet සමාගම විසින් සංවිධානය කළ මේ ජාත්‍යන්තර තරගාවලියේ හොලිවුඩ් නිළියන් පරදමින් කිරුළ දිනාගන්නට සමත් වුණ ඇය දෙවැනි වුණේ ඇමෙරිකානු පොප් ගායිකා බියොන්සේට විතරයි.

කලා ලොවේ සාර්ථක වුණු තවත් තරු වන ඇන්ජලීනා ජොලි, එමා වොට්සන්, බ්ලේක් ලිව්ලි හා මිෂෙල් ඔබාමාද මේ අතර සිටීමත් විශේෂත්වයක්. මේ ගැන අතිශයින් සතුටට පත්වුණු ප්‍රියංකා ඇයගේ ට්විටර් වෙබ් අඩවියේ සංවිධායක කණ්ඩායමට සුබපතලා තිබුණේ මේ විදිහටයි.

"Thank u @ BuzzNET and all who voted @ Beyonce is my number 1 too!!"

ලොව සුන්දරතම කාන්තාවන් විදියට මේ තරගය නම් කළත් ඔවුන්ගේ වෘත්තිය පෞරුෂයට වැඩි අවධානයක් දීලා තමයි තෝරා ගැනීම් කරලා තියෙන්නේ. මේ නිසාම හිලරි ක්ලින්ටන් මෙහි පස්වන ස්ථානය හිම්වෙද්දි හය හා හත්වන ස්ථානය දිනාගත්තෙත් දේශපාලන කතාබහට ලක්වන කාන්තාවන්.

මේ අතරින් ඇන්ජලිනා ජොලි අටවන ස්ථානය දිනාගත්තා. ලෝකයේ සුපිරි තරු අතරින් ඉන්දීය නිළියකට දෙවන තැන හිමිවීමත් විශේෂත්වයක්.

ප්‍රියංකා හොලිවුඩ් චිත්‍රපට හා නාට්‍ය කිහිපයකටම රංගනයෙන් දායක වුණ නිසා ඇය දැනටමත් ලොව ජනප්‍රිය තරුවක්.

ලොව බොහෝ රසිකයන් ආදරය කළ ඕචරඹචබජඩ චිත්‍රපටයේ නවතම කතා මාලාවේත් ඇය ප්‍රබල චරිතයක් නිරූපණය කරනවා. මැයි 26 වෙනිදා පටන් මේ චිත්‍රපටය ලොවපුරා තිරගත වන්නට සියල්ල සූදානම්. මේ විදියට හොලිවුඩයත් ජයගෙන කිරුළ දිනාගත් ප්‍රියංකා හොලිවුඩයේ තරුවලටත් අභියෝගයක්.