ප්‍රවීණ ජනප්‍රිය හා සම්මානනීය සිනමා නිර්මාණකරු උදයකාන්ත වර්ණසූරියගේ නවතම සිනමා නිර්මාණයේ සමාරම්භක මුහුරත් උළෙල පසුගියදා බත්තරමුල්ල වෝටර්ස් එජ් හෝටල් පරිශ්‍රයේදි පැවැත්වුණා.

ගීත රැසක් අඩංගු අතිශයින්ම ආදරණීය හා විනෝදාත්මක චිත්‍රපටයක් වන මෙහි ප්‍රධාන චරිත සදහා රංගනයෙන් එක්වන්නේ මේ දින වල ජනප්‍රිය තරුණ රංගන ශිල්පීන් දෙපළක් වන දමිත් විජයතුංග හා චතුර රාජපක්ෂ සමගින් සිනමාවට හඳුන්වා දෙනු ලබන අංජලී වත්සලා ජයසිංහයි.

ඒ සමගින් සනත් ගුණතිලක , දුලීකා මාරපන , හේමසිරි ලියනගේ , ඩිලානි අබේවර්ධන, සංගීත් ප්‍රභූ , සංජය මුරමුදලි , චන්දිමා කරුණාදාස , රොහාන් විජේතුංග , මල්කාන්ති ජයසිංහ , ඕදාත හංසක , කිෂූ ගෝමස් , විශ්ව ලංකා.. ඇතුළු ප්‍රවීණ මෙන්ම ජනප්‍රිය රංගන ශිලිපීන් රැසක් මීට රංගනයෙන් එක්වෙනවා.

මෙම චිත්‍රපටය නිෂ්පාදනය කරන්නේ ඉවෝක් රූපහල ෆිල්ම්ස් පුද්ගලික සමාගම විසිනි.

උදයකාන්ත වර්ණසූරියගේ සිනමා දිවියේ 29 වන සිනමා නිර්මාණය වන “මේඝ වර්ෂා” චිත්‍රපටය එළඹෙන සැප්තැම්බර් 14 වනදා සිට රූගත කිරීම් ආරම්භ කිරීමට නියමිතයි.

පහතින් දක්වෙන්නේ පසුගියදා බත්තරමුල්ල වෝටර්ස් එජ් හෝටල් පරිශ්‍රයේදි පැවති “මේඝ වර්ෂා” චිත්‍රපටයේ මුහුරත් උළෙලේ ඡායාරූප කිහිපයක්.

තොරතුරු - 'Anton J. Fernando' ෆේස්බුක් පිටුව ඇසුරිනි 

(ඡායාරූප අයිතිය - ඉන්දික මල්ලව ආරච්චි සතුයි (Indika Mallawarachchi )