ජනප්‍රිය බොලිවුඩ් නළුවෙකු වන අනිල් කපූර්ගේ ගැල්වනයිස් කරන ලද පිළිරුවක් පසුගියදා සිංගප්පූරුවේ Madame Tussaudsහිදී විවෘත කරනු ලැබිණි.
ඒ ඔහු වසර තිහකට අධික කාලයක් පුරා සිනමාවට කරන ලද සේවාව වෙනුවෙන් ගෞරව කිරීමක් වශයෙනි.
අනිල් කපූර් සිය ඉටි ප්‍රතිමාව සහ සිනමා ජීවිතය පිළිබඳ අදහස් දක්වමින් පවසා ඇත්තේ
''මට මේ ගෞරවය මගේ මුල් අවුරුදු දහය විස්ස අතර ලැබුණා නම් මෙහි වටිනාකමක් නැතිවෙන්න තිබුණා. ඒ නිසා මට මෙවැනි ගෞරවයක් ලැබීම ගැන මම හුඟක් ආඩම්බර වෙනවා. අනික මම වාසනාව නිසා රැඳුණු නළුවෙක් නෙමෙයි. ලේ හලලා කැපවෙලා තමයි මෙවැනි තත්ත්වයකට අද ඇවිත් ඉන්නේ. ත්‍රාසජනක ජීවිතයක් තමයි මට තිබුණේ.
ඒක මටම මගේ ජීවිතයේ අවුරුදු විස්සක් විසි පහක් ආපස්සට ගියාම මට තේරෙනවා. මොකද මම ධනාත්මක චින්තනය සහ වටිනාකම් මතින් මේ දක්වා පැමිණි කෙනෙක්. ඒ ගැන හුඟක් සතුටුයි මට'' අනිල් කපූර් පවසා ඇත.
