ප්‍රවීණ විචාරකයකු, සිනමා ග්‍රන්ථ රචකයකු සහ පුවත්පත් කලාවේදියකු වන සුනිල් මිහිඳුකුල දශක හතරක් මුළුල්ලේ මෙරට සිනමා සාහිත්‍යයට කළ සේවය ඇගයීමේ උත්සවයක් පසුගිය දා රජයේ ප්‍රවෘත්ති දෙපාර්තමේන්තු ශ්‍රවණාගාරයේ දී පැවැත්විණි.
"සුනිල් මිහිඳුකුල සිනමා සාහිත්‍ය සම්ප්‍රසාදන" මැයෙන් පැවැති එම උත්සවයේ දී ඔහුගේ සේවයට කෘතවේදීත්වය පළ කිරීම සඳහා මේ රටේ සිනමාවේ ප්‍රවීණම නළු නිළියන්, විද්වතුන් ජනමාධ්‍යවේදීන් සහ රසිකයන් විශාල පිරිසක් පැමිණ සිටියහ. ශ්‍රී ලංකා ජාතික චිත්‍රපට සංස්ථාව, ජනමාධ්‍ය අමාත්‍යාංශය සහ සංස්කෘතික කටයුතු දෙපාර්තමේන්තුව මෙම උළෙල සඳහා අනුග්‍රහය ලබා දී තිබිණි.
ඡායාරූප - ගිතේන්ද්‍ර ලියනගේ
