රූකාන්ත ගුණතිලක,චන්ද්‍රලේඛා පෙරේරා රයිනි හා වින්ඩි දියණියන් දෙදෙනා සමඟ  අද (02) සිට 24 වන දින දක්වා ප්‍රසංග හතරකින් සමන්විත ඕස්ට්‍රේලියා  නවසීලන්ත සංචාරයේ නිරත වීමට නියමිතව ඇත.

මෙම ප්‍රසංග මාලාව සඳහා නව පරපුරේ යොවුන් ගායන ශිල්පි සනුක වික්‍රමසිංහද සහභාගිවීම විශේෂත්වයකි.

 මෙය ඔහුගේ ප්‍රථම ඕස්ට්‍රේලියා සංචාරය වනු ඇත.

ජුනි 02 ඕක්ලන්ඩ් (Auckland), ජුනි 03 සිඩ්නි (Sydney), ජුනි 10 මෙල්බර්න් (Melbourn) ජුනි 11 ඇඩිලේඩ් (Adilade) ජුනි 17 බ්‍රිස්බේන්  (Bisbane) හා ජුනි 24 පර්ත් (Pearth) යන නගරයන්හි පැවැත්වීමට කටයුතු යොදා ඇති මෙම ප්‍රසංග මාලාවේ සියලු ප්‍රවේශ පත්‍ර දින 12 ක් වැනි කෙටි කාලසීමාවකදී විකිණී අවසන් වී ඇත.

මේ හේතුවෙන් මෙල්බර්න් නුවර ප්‍රසංග දෙකක් පැවැත්වීමට සිදු වී ඇති බැව් වාර්තා වේ. විස්තර කථනයෙන් කැළුම් ශ්‍රීමාල් සහභාගී වන මෙම ප්‍රසංග මාලාවේ සංගීත අධ්‍යක්ෂණය සම්මානලාභී සංගීත අධ්‍යක්ෂ සුරේෂ් මාලියද්ද ප්‍රමුඛ සත් සාමාජික ලාංකිය වාද්‍ය වෘන්දයකි.