පසුගියදා පැවැත්වුණු සියත මිස් ශ්‍රී ලංකා ෆෝ මිස් වර්ල්ඩ් 2017 තරඟාවලි කිරුල දිනා ගැනීමට ජනප්‍රිය රංගන ශිල්පිනි දුෂෙනි මියුරංගි සමත්වුණා.

ඇය හිමිකරගත් මේ කිරුල පිළිබඳව වෙන කාටවත් වඩා සතුටට පත්වුණු රංගන ශිල්පියෙක් සිටිනවා කියන කාරණය මිරර් ආට් අපිට දැනගන්න ලැබුණා.

ඒ වෙන කවුරුත් නෙවෙයි මින් පෙර මිස්ටර් ශ්‍රී ලංකා කිරුල හිමි කරගැනීමට සමත් වුනු අනුජ් රණසිංහයි.

දුෂෙනිගේ මේ ජයග්‍රහණය ඔහු ආඩම්බරයට පත් කළා යනුවෙන් ෆේස්බුක් සටහනක් තැබීමටත් ඔහු අමතක කර තිබුනේ නැහැ.

කෙසේ වෙතත් මෙම යුවල මිට පෙර අදහස් පල කිරීමේදී තමන් අතර ආදර සම්බන්ධතාවයක් පවතින මාධ්‍ය වෙත හෙළි කිරීමට කැමැත්තක් දැක්වුයේ නැහැ.

මොවුන් දෙදෙනාගේ ආදර සම්බන්ධතාවය පිළිබඳව පසුගිය දින කිහිපය තුල සමාජජාල ඔස්සේ වැඩිපුර කතාබහට ලක්වුණේ වෙනත් රංගන ශිල්පිනියක් සමඟ හටගත්තා යැයි පැවසෙන ආරවුලක් දුරදිග යාම නිසා ය.

කෙසේවෙතත් ලබාගත් ජයග්‍රහණයෙන් පසුව මෙම දෙපල මුනිවත නොරකිනු ඇති බවට බොහෝ දෙනාගේ අදහසයි.