ඇලිසියා විකැන්ඩර් ප්‍රධාන රංගන දායකත්වය සපයන ටූම්බ් රේඩර් සිනමාපටය එළැඹෙන වසරේ මාර්තු 16 වැනිදා ලොව පුරා ප්‍රදර්ශනය කිරීමට කටයුතු යොදා තිබේ.
මෙහි කතා මාලාව දිව යන්නේ ටූම්බ් රේඩර් හඳුන්වන ලාරා ක්‍රොෆ්ට් නම් තරුණියක් වටාය. අතුරුදහන් වුණු ගවේෂකයකුගේ දියණියක් වන ඇයට තමන්ගේ සීමාවන් ඉක්මවා ගොස් මුහුණදීමට සිදුවන දෑ, ක්‍රියාදාම සහ වික්‍රමාන්විත ගණයට අයත් මෙම සිනමාපටයේ කතා තේමාව බවට පත්වෙයි.
ටූම්බ් රේඩර් අධ්‍යක්ෂණය රෝ උතොග් විසිනි.
වෝල්ටන් ගොගින්ස්, හැනා කමෙන්, ඩොමිනික් වෙස්ට්, ඩැනියල් වූ සහ නික් ෆ්‍රෝස්ට් ඇතුළු රංගන ශිල්පින් ශිල්පිනියන් රැසක් මෙහි රංගන දායකත්වය සපයති.
මින් පෙර තිරගත වුනු ටූම්බ් රේඩර් සිනමාපටයේ ටූම්බ් රේඩර් චරිතයට පණ පොවනු ලැබුවේ ඇන්ජලිනා ජොලි විසිනි.
