පසුගියදා පැවැත්වුණු “අද දෙරණ ශ්‍රී ලන්කන් ඔෆ් ද ඉයර්” සම්මාන උළලේ 2017 වසරේ ජනප්‍රියතම ගායන ශිල්පියාට හිමි සම්මානය චාමර වීරසිංහ හට හිමි විය.
තමන් ලැබූ සම්මානය පිලිබඳ ෆේස්බුක් සමාජජාලයෙහි සටහනක් තබමින් සිය රසික රසිකාවියන්ට ස්තුතිවන්ත වීමට ඔහු අමතක කර තිබුනේ නැහැ.
“මෙතනට මා ඔසවා තැබූ ඔබට හදවතින්ම තුති.....” යනුවෙන් රසිකයන්ට ස්තුතිය පල කළ චාමර, ඔහුට ගීත ලොවේ යම් තැනක සිටි නම් ඒ තැනට පැමිණීමට උපකාරී වූ කවි කිර්ති හිමියන්ව ද සිහිපත් කර තිබුණි.
“සුන්දර වින්දනීය වූ ගීත නිර්මාණ ඔස්සේ රසිකයන් අතරට එන්නට එදා මේ පුංචි තරුණයාට පද රචනා කරදුන් හිමියනේ... ඔබ වහන්සේ අද මා ළඟ නැති උනත් ඔබවහන්සේගේ ගුණ සුවඳ මා ළඟ තිබෙයි... කවිකිර්ති හිමියනේ ඔබ වහන්සේට පින්සිදුවෙවා...”
එසේම සිය දෙමාපියන්, ගුරුවරුන්,ගීත හා තනු නිර්මාණ කරුවන් ඇතුළු තමන්ට සහය දුන් සම වෙත සිය හද පිරි ප්‍රණාමය පුද කිරීමට අමතක නොකළේය.
