සැනට් දික්කුඹුර වේදිකාව පුංචි තිරය මෙන්ම රිදී තිරයද ජයගෙන සිටින සැනට් දික්කුඹුර අප කවුරුත් දන්නා දක්ෂ ජනප්‍රිය රංගන ශිල්පියෙකි.
ජයන්ත චන්ද්‍රසිරිගේ මෝරා නාට්‍යය සඳහා ඔහු හොඳම වේශ නිරූපණයට හිමි සම්මානයෙන්ද පිදුම් ලැබූ ඔහු බොහෝ දෙනෙකු අතර ජනප්‍රියත්වයට පත්වුණේ වංගෙඩියක බුලත් විට කොටමින් හිඳින විට එතුළට රෝල් වෙමින් ආ පෙපර්මින්ට් පෙත්තක් වැටුණු වෙළඳ දැන්වීමෙනි.
අතිශය සංවේදී මනුෂ්‍යයකු වන සැනට් තිරිසන් සතුන්ට දක්වන්නේ නොමද වූ ආදරයකි.
ඔහු කලාවෙන් විශාල ලෙස මුදල් උපයන්නකුවත්, කලාව නිසා ඉපයූ විසල් තැන්පත් ධනයකට හිමිකම් කියන්නකුවත් නොවේ. නමුත් හදවතින් ඔහු මහා පොහොසතෙකි.
දෙහිවල සරණංකර පාරේ නිවාස සංකීර්ණයකට අයත් කුඩා නිවසක තනිව වෙසෙන සැනට් මේ වන විටත් අවිවාහකයෙකි.
අද වනවිට මේ සොදුරු මනුෂ්‍යයා පදිංචි වි සිටින නිවස බොහොම අබලන් තත්ත්වයට පත්වී කඩාවැටෙන්නට ආසන්න තත්ත්වයක පවතින බව මිරර් ආට්ස්වෙත වාර්තා වෙනවා.
කලාවට හිතැති නිසි බලධාරීන්ගේ අවධානය යොමුව මේ සොඳුරු කලාකරුවාට යම් පිළිසරණක් වන්න හැකිනම් එය මේ මොහොතේ සුවිසල් කාර්යභාරයක් වනු ඇති.
