හර්ෂ උඩකන්ද අධ්‍යක්ෂණය කරන “කොළඹ සන්නිය රිටන්ස්” සිනමාපටයේ මූලික වැඩ කටයුතු පසුගියදා ආරම්භ කරන ලදී.
ඔහුගේ තෙවැනි සිනමා නිර්මාණය වන මෙය, මනික් සාන්ද්‍රසාගර අධ්‍යක්ෂණය කළ “කොළඹ සන්නිය” සිනමාපටය ඇසුරෙන් නිර්මාණය වන්නකි.
සරත් කොතලාවල, සැනෙට් දික්කුඹුර, රජිත හිරාන්, කුමුදිනි අධිකාරි, බොනිෆස් ජයශාන්ත, රසිකා නිමාලි, අශිකා මතසිංහ, ගයත්‍රි කාන්චනමාලා, රොහාන් විජේසිංහ චිත්‍රපටය සඳහා රංගනයෙන් දායක වෙති.
සුගන්ධ ජනප්‍රසාද් සහය අධ්‍යක්ෂණයෙන්, ප්‍රබෝධ සෙනරත් කලා අධ්‍යක්ෂණයෙන්, තිවංක අමරසිරිගේ සංස්කරණයෙන් සහ ෂර්මාල් ඩිල්ෂාන්, සහන් අබේවර්ධනගේ නිෂ්පාදනයෙන් එක් වෙති.
කොළඹ සන්නිය මුල් චිත්‍රපටය 1975 වසරේදී තිරගත වූ අතර එය එකල ඉමහත් ජනප්‍රසාදයට පත් වූ අතර විචාරකයන්ගේ ද අවධානය දිනා ගැනීමට සමත් විය.
