සුප්‍රකට ඇමරිකානු “ගේම් ඔෆ් ත්‍රෝන්ස්” කතා මාලාවේ පෙම්වතුන් ලෙස රංගන දායකත්වය ලබා දෙමින් ප්‍රේක්ෂක ආදරය දිනාගත් කිට් හැරීන්ටන් සහ රෝස් ලෙස්ලි යුවල පසුගියදා යුග දිවියට පිවිසුනා.

ඔවුන්ගේ විවාහ මංගලය ස්කොට්ලන්තයේ ඇබර්ඩින්ෂයර් හිදී ඊයේ දින (23) පැවැත්වුණා.

ගේම් ඔෆ් ත්‍රෝන්ස් හි රංගන දායකත්වය සපයන රංගන ශිල්පින් ශිල්පිනියන්ද විවාහ මංගලයට පැමිණ සිටින අයුරු විදෙස් මාධ්‍ය වාර්තා කර තිබුනා.

පීටර් ඩින්ක්ලේජ්, මෙසී විලියම්ස්, සොෆී ටර්නර්, එමිලියා ක්ලාර්ක් ඒ අතර දක්නට ලැබුණු තරු කිහිපදෙනෙක්.

ෆැන්ටසි ටීවී සිරිස් එකක් ලෙසින් ලොව පුරා ජනාදරයට පාත්‍ර වුනු Game Of Thrones හි ජෝන් ස්නෝ සහ යිග්‍රිට් ගේ චරිතයට පණ පෙවූ කිට් හැරීන්ටන් සහ රෝස් ලෙස්ලි යුවල එකිනෙකා මුණගැසී තිබුනේ 2012 වසරේදීය. ඒ මෙම කතා මාලාවේ රුගත කිරීම් අතරතුරේදීය.

තිර රචනයට අනුව යිග්‍රිට්ගේ චරිතය මින් වසර දෙකකට ඉහතදී කතාමාලාවෙන් ඉවත් වුව ද ජෝන් ස්නෝ ගේ චරිතය Game Of Thrones හි 7 වැනි මාලාව දක්වා අඛණ්ඩව පැමිණියේ විශාල ජනප්‍රියත්වයක් ද එක් කරගනිමිනි.