ජාතික ඒකාබද්ධතාවය ප්‍රවර්ධනය කිරීමේ අරමුණින් කෙටි චිත්‍රපට තරගාවලියක් පැවැත්වීමට
ජාතික ඒකාබද්ධතා, සංහිඳියා සහ රාජ්‍ය භාෂා අමාත්‍යංශය පියවර ගෙන තිබේ.
“ශ්‍රී ලාංකිකත්වය-අපේ අනන්‍යතාවයයි, විවිධත්වය අපේ ශක්තියයි” යන තේමාව යටතේ පැවත්වෙන මෙම තරගය සඳහා අංශ 4 කින් නිර්මාණ ඉදිරිපත් කිරීමේ අවස්ථාව තරගකරුවන්ට හිමිවේ.
ඒ අනුව සිංහල කෙටි චිත්‍රපට, දෙමළ කෙටි චිත්‍රපට,ඉංග්‍රීසි කෙටි චිත්‍රපට සහ ද්විභාෂිත කෙටි චිත්‍රපට(සිංහල හා දෙමළ) යන කාණ්ඩ යටතේ නිර්මාණය කරන ලද කෙටි චිත්‍රපට එළඹෙන අගෝස්තු 20 වැනිදාට පෙර සංවිධායකයින් වෙත ලැබීමට සැලැස්විය යුතුය.
කෙටි චිත්‍රපටය උපරිම විනාඩි 7 කට සීමා විය යුතු අතර එක් නිර්මාණකරුවෙක් එක් කෙටි චිත්‍රපටයක් පමණක් ඉදිරිපත් කළ යුතු ය.
වැඩි විස්තර සඳහා 071 9334664 දුරකථන අංකය අමතන්න.
