බොලිවුඩයේ පැවැත්වෙන ප්‍රධාන සිනමා සම්මාන උළෙල අතරින් එකක් ලෙස සැලකෙන IIFA සම්මාන රාත්‍රිය පසුගියදා තායිලන්තයේ බැංකොක් නුවර දී පැවැත්වුණි.
මේ සඳහා කාර්තික් ආර්යන්, කරන් ජොහාර්, අයුශ්මාන් කුරානා, ශ්‍රද්ධා කපූර්, රේඛා, අර්ජුන් කපූර්, වරුන් ධාවන්, ක්‍රිටි සැනොන්, රන්බීර් කපූර්, දියා මිර්සා, ඇතුළු ප්‍රකට බොලිවුඩ් තාරකාවන් රාශියක් සහභාගී වී සිටියහ.
“මම්” සිනමාපටය සඳහා සිදුකළ විශිෂ්ට රංගනය වෙනුවෙන් නැසීගිය ප්‍රවීන නිළි ශ්‍රී දේවි හට හොඳම රංගන ශිල්පිනියට හිමි සම්මානය එහිදී හිමිවිය. ඇගේ ස්වාමිපුරුෂයා බොනී කපූර් ඇය වෙනුවෙන් සම්මානය ලබා ගත්තේය.
උළලේදී පිරිනැමුණු ප්‍රධාන සම්මාන මෙසේ වේ,
හොඳම සිනමාපටය - “තුමාරි සුලු”
හොඳම අධ්‍යක්ෂණය- “හින්දි මීඩියම්” වෙනුවෙන් සාකෙත් චවුද්රි
හොඳම රංගන ශිල්පිනිය- “මම්” වෙනුවෙන් ශ්‍රී දේවි
හොඳම රංගන ශිල්පියා - “හින්දි මීඩියම්” වෙනුවෙන් ඉර්ෆාන් ඛාන්
