සිනමාවේදී රෝයි ද සිල්වාගේ පනස් පස් වසරක අඛණ්ඩ සිනමා ගමන් මග සනිටුහන් කරමින් රචිත “අඩසියවසක සදාදර රෝයි” ග්‍රන්ථය එළඹෙන 31 වැනිදා පස්වරු 3.30 ට එළිදැක්වීමට නියමිත ය.

ශ්‍රී ලංකා චිත්‍රපට සංස්ථාවේ සහ සදාදර රෝයි අනුස්මරණ කමිටුවේ සංවිධානයෙන් සම්භාවනීය අමුත්තන්, විද්වතුන් සහ කලා ශිල්පීන් රැසකගේ සහභාගිත්වයෙන් මෙම උළෙල ජාතික චිත්‍රපට සංස්ථා තරංගනි සිනමා ශාලාවේදී පැවැත්වෙනු ඇත.

රෝයි ද සිල්වා රංගනයෙන් දායක වූ “මිහිදුම් සිහින” චිත්‍රපටය ප්‍රදර්ශනය ද එදින පස්වරු 6 ට සිදු කිරීමට නියමිත ය.

1964 දී නිර්මාණය කළ “සුජාගේ රහස” චිත්‍රපටයෙන් සිනමාවට අවතීර්ණ වූ රෝයි ද සිල්වා මියයන විට 80 හැවිරිදි වියේ පසුවිය.