70 ගණන් වල ප්‍රකට හොලිවුඩ් තරුවක් සහ ඔස්කාර් නිර්දේශිත රංගන ශිල්පී බර්ට් රෙනොල්ඩ්ස් අභාවප්‍රාප්ත වී තිබේ.

ඔහු මියයන විට 82 හැවිරිදි වියේ පසුවිය.

ෆ්ලොරිඩා හි පිහිටි රෝහලක දී බර්ට් රෙනොල්ඩ් මියගොස් ඇත්තේ හෘදයාබාධයක් හේතුවෙනි.

1972 දී තිරගත වූ Deliverance සිනමාපටයෙන් ප්‍රේක්ෂකයන් අතරට ගිය ඔහු Smokey and the Bandit, The Cannonball Run සහ Boogie Nights ඔස්සේ වැඩි ජනප්‍රියත්වයක් අත්කරගත්තේ ය.

බර්ට් රෙනොල්ඩ්ස් ගෝල්ඩන් ග්ලෝබ් ඇතුළු සම්මාන රැසකින් ද පිදුම් ලැබූ රංගන ශිල්පියකි.

ඔහුගේ අභාවය පිළිබඳ හොලිවුඩ් තරු රැසක් සිය ශෝක පණිවිඩ නිකුත් කර තිබේ.