පසුගිය කාලය පුරා දැඩි මතබේදයට තුඩු දුන් සංජිව පුෂ්පකුමාරගේ “දැවෙන විහඟුන්” සිනමාපටයේ තිරරචනය කෘතියක් ලෙසින් නිකුත් කර තිබේ.
සරසවි ප්‍රකාශනයක් ලෙස එළිදක්වා ඇති මෙම ග්‍රන්ථයෙහි විදෙස් සිනමා විචාර කිහිපයක සිංහල පරිවර්තන ද අන්තර්ගතව ඇත.
ජාත්‍යන්තර සම්මාන උළෙල රැසක් නියෝජනය කරමින් ඇගයීමට පාත්‍ර වූ “දැවෙන විහඟුන්” වෙනුවෙන් අනෝමා ජනාදරී, සමනලී ෆොන්සේකා, චාන්දනී සෙනවිරත්න, මහේන්ද්‍ර පෙරේරා, පුබුදු චතුරංග, දසුන් පතිරණ, ශ්‍යාම් ප්‍රනාන්දු, ධර්මප්‍රිය ඩයස්, ලියෝනි කොතලාවල, තිස්ස බණ්ඩාරනායක, ප්‍රියංකා සමරවීර, දර්ශන් ධර්මරාජ්, සංජීව දිසානායක ආදී පිරිස රංගනයෙන් දායක වී තිබුණි.
