මොරටුව ප්‍රදේශයෙන් බිහිව කලාව වෙනුවෙන් සුවිශේෂී සේවයක් ඉටුකළ කලාකරුවන් තිදෙනෙක් උදෙසා උපහාර පිදීමේ උත්සවයක් සංවිධාන කර තිබේ.
මෙලෙස උපහාරයෙන් පිදුම් ලබන්නේ නිහාල් නෙල්සන්, ටෙනිසන් කුරේ සහ චන්දන වික්‍රමසිංහ යන කලාකරුවන් ය.
මෙම උළෙල එළඹෙන 15 වැනිදා මොරටුව පුරන් අප්පු ක්‍රීඩාංගනයේදී පැවැත්වීමට නියමිත ය.
ඒ අනුව රත්මලාන කල්දෙමුල්ල හන්දියෙන් ආරම්භ වන රිය පෙරහරක් මඟින් ඔවුන් තිදෙනා මොරටුව පාලම දක්වා කැඳවාගෙන යන අතර එහිදී පැවත්වෙන උපහාර උත්සවයෙන් අනතුරුව ලාල් විතානගේ ප්‍රමුඛ සන්ෂයින් සංගීත කණ්ඩායම සංගීතවත් කරන සංගීත ප්‍රසංගයක් ද පැවැත්වීමට කටයුතු සුදානම් කර ඇත.
