ජාතික රූපවාහිනිය නිෂ්පාදනය කළ අතුල පීරිස්ගේ නිර්මාණයක් වූ සහෘදයෝ ඒකාංගික ටෙලි නාට්‍යය උතුරු කොරියාවේ පැවැත්වෙන පියොන් යැන් අන්තර් ජාතික සිනමා සම්මාන උලෙළේ තරඟකාරී අංශයට සහ ඒඕඋ සම්මාන උලෙළේ ජූරියේ විශේෂ සම්මාන අංශයට නිර්දේශ වී ඇත.
මෙම නිර්මාණය මෙයට ප්‍රථම මොස්කව් නුවර පැවැත්වුණු අන්තර් ජාතික සිනමා සම්මාන උලෙළේදී විශේෂ සම්මානයට පාත්‍ර විය.
නිරෝෂන් විජේසිංහ, ලක්මා වීරසේකර, නිලුකා රේඛානි සහ නවබුජා රාධා රංගන දායකත්වය සැපයූ මෙහි කැමරා අධ්‍යක්ෂණය සමන් ගාල්ලගේ විසිනි. සෝමරත්න පෙරේරා ආලෝකකරණයෙන් දායක විය. ශබ්ද පරිපාලනය විකුම් හෙට්ටිආරච්චිගෙනි. සඳුන් අතුකෝරාළගේ අංග රචනයකි. චන්ද්‍රසිරි කොඩිතුවක්කුගේ කලා අධ්‍යක්ෂණයකි. අපි මචං කණ්ඩායම සංගීතයෙන් එක්ව තිබේ.
ප්‍රසාද් සමරතුංග
සරසවිය
