ඉන්දීය සුපිරි නළු රජිනිකාන්ත්ගේ නවතම සිනමාපටය වන “පෙට්ටා” හි රූපගත කිරීම් මේ වනවිට ආරම්භ කොට තිබෙනවා.
ඒ අනුව ලක්නව් වැනි උතුරු ඉන්දීය ප්‍රදේශ කිහිපයක පසුගිය දිනකිහිපය පුරා මෙම චිත්‍රපටය රූපගත කිරීම් සිදු කළ අතර ඉදිරි සති හතර වාරානසි හි රූපගත කිරීම් සිදු කරනු ඇති බවයි ඉන්දීය මාධ්‍ය වාර්තා කර සිටින්නේ.
කාර්තික් සුබ්බරාජ්ගේ අධ්‍යක්ෂණයක් වන “පෙට්ටා” හි සෙසු චරිත සඳහා විජේ සේදුපති, ට්‍රිෂා, නවසුදින් සිද්දික්, බොබී සිම්හා, සිම්රන් රංගනයෙන් දායක වනවා.
සංගීත නිර්මාණ අනිරුද් රවිචන්දර් විසිනි.
මෙම සිනමාපටය තිරගත කිරීමට සැලසුම් කර තිබෙන්නේ 2019 ජනවාරි මස දී ය.
