ඇමරිකා එක්සත් ජනපද ප්‍රකට මෙට්ල් සංගීත කණ්ඩායමක් වන ඕල් දැට් රිමේන්ස් හි ගිටාර් වාදන ශිල්පී ඔලී හර්බර්ට් අභාවප්‍රාප්ත වී තිබේ.
මියයන විට ඔහු 44 හැවිරිදි වියේ පසුවිය.
ටූ වීක්ස්, වට් ඉෆ් අයි වෝස් නතින්ග් වැනි ගීත ඔස්සේ රසික ආදරයට පත් ඕල් දැට් රිමේන්ස් කණ්ඩායම ඉන්ස්ටග්‍රෑම් සමාජ ජාලය ඔස්සේ පණිවිඩයක් නිකුත් කරමින් පවසා ඇත්තේ ආරම්භක සාමාජිකයෙක් වන හර්බර්ට්ගේ වියෝව දැරිය නොහැකි බවයි.
1998 දී ආරම්භ කරන ලද මෙම සංගීත කණ්ඩායමේ සියලුම ගීත ඇල්බමයන් සඳහා හර්බර්ට් සිය දායකත්වය සපයා තිබුණි.
කෙසේ වෙතත් ඔලී හර්බර්ට් මියයාමට හේතුව මෙතෙක් නිවේදනය කර නැත.
