නන්දා මාලනි සංගීත ආශ්‍රමයට එක් වන්නට අවස්ථාවක්
ආචාර්ය නන්දා මාලිනිය යටතේ සංගීතය හැදෑරීමට කැමති ඔබට මෙය සුබ ආරංචියක් වේවි.
නන්දා මාලිනී සංගීත ආශ්‍රමයට මේ දිනවල නවක ශිෂ්‍ය ශිෂ්‍යාවන් බඳවා ගන්නා බවට වාර්තා වනවා.
ඒ අනුව වයස අවුරුදු අටේ සිට ඉහල වයස් කාණ්ඩ වල ශිෂ්‍ය ශිෂ්‍යාවන් වෙනුවෙන් පාඨමාලා රැසක්ම මෙහි අන්තර්ගත වනවා.
ලේකම්, නන්දා මාලනී සංගීත ආශ්‍රමය, අංක 30, විජයබා මාවත, නාවල පාර, නුගේගොඩ යන ලිපිනයට මුද්දර සහිත ලියුම් කවරයක් එවීමෙන් මේ සඳහා අයදුම්පත්‍රයක් ලබා ගත හැකියි.
1982 දී ශිෂ්‍ය ශිෂ්‍යාවන් දහසය දෙනකුගෙන් ආරම්භ කළ නන්දා මාලනී සංගීත ආශ්‍රමය පුරා දශක තුනකට අධික කාලයක් මුළුල්ලේ පවත්වාගෙන එනු ලබනවා.
එසේම ඉන් මෙරට සංගීත ක්ෂේත්‍රයට දායාද කළ පරපුර ද අති මහත් වේ.
