“රූමස්සල”: බූඩිගෙන් අලුත් වෙබ් සීරිස් එකක්

“රූමස්සල”, සිනමාවේදී බූඩි කීර්තිසේනයන්ගේ නවතම නිර්මාණ කටයුත්තක්.

වෙබ් මාලා නාටකයක් වන මේ සඳහා දසුන් පතිරණ, මහේන්ද්‍ර පෙරේරා, සරත් කොතලාවල, දිනක්ෂි ප්‍රියසාද්, සමනලී ෆොන්සේකා, වීණා ජයකොඩි, දර්ෂන් ධර්මරාජ්, සචිනි අයේන්ද්‍රා, ප්‍රදීප් රාමවික්‍රම ඇතුළු පිරිසක් රංගන දායකත්වය සපයා තිබෙනවා.

කතාංග 10 කින් සමන්විත රූමස්සල මෙම වසරේදී එළිදක්වනු ඇති බවයි එහි අධ්‍යක්ෂ බූඩි ප්‍රකාශ කර සිටින්නේ.  

ඒ වගේම ජයශ්‍රී ගායනයෙන් දායක වූ රූමස්සල තේමා ගීතය ද පසුගියදා අන්තර්ජාලය වෙත මුදා හැරීමට කටයුතු කර තිබුණා. ඒ සම්බන්ධයෙන් ජයශ්‍රී කණ්ඩායමේ සාමාජික රෝහිත ජයලත් සිය ෆේස්බුක් ගිණුම ඔස්සේ මෙවන් අදහසක් දක්වා තිබුණා.

“පොඩි කාලේ ඉඳන් මට තිබුන ආසාවක් ..!! ඒලියන් කෙනෙක්, හොල්මනක් වගේ පොඩි චරිතයක් කරන්න..(කොහොමත් හොල්මනක් වගේ තමයි!!) . මගේ අඹයාළු බූඩීට ගොඩක් ස්තුතියි මියුසික් වීඩියෝ එකේ ඒ සිහිනය සැබෑකර දුන්නට !! "රූමස්සල" බූඩීගේ අලුත්ම වෙබ් සීරිස් එක ළඟදීම එනවා ..!! ජයශ්‍රී අපි තමයි "රූමස්සල" තේමා ගීතයේ ගායනය සහ සංගීතය කලේ අමුතුම ආරෙකට ..!! ගී පද රචනය රුවන් ජයනාත්. 
පොඩියට ඉස්කෝලේ යන කාලේ ඉඳලා බූඩීයි, රොහාන් ,රෝහිත අපි තුන්දෙනා Close Encounters of the Third Kind, The man who fell to Earth, E.T, Star Wars, Cat people,... චිත්‍රපටි, වීඩියෝ එකට වැටීගෙන, නිදිමරාගෙන බලමින්, අපේ ලෝකයෙන් ඔබ්බට තියෙන විශ්වයේ ජීවීන්, ලෝකයන්, ශක්තීන් ගැන,... ඩේවිඩ් බෝවීගේ ගීත අසමින් මෙනෙහි කරපු අතීතයේ, ඒවායින් ලබපු අත්දැකීම්වල ප්‍රතිපලයක්, එක සන්ධිස්ථානයක් වගේ මටනම් දැනෙන්නේ ..බූඩීටත් එහෙම්ම ඇති.!! අම්මෝ ...අපේ රටේ මම ආසම කරන උපරිමතලයේ සහෝදර නළු නිලියෝ කට්ටියක් එක්ක මෙහෙම මියුසික් වීඩියෝ එකේ රඟපාන්න ලැබීමත් මගේ ලොකු වාසනාවක්.!! බෙදාගන්න.... නරඹන්න ... විඳින්න ..!! සිතාගන්න ... "අපි මේ විශ්වයේ තනියම නොවෙයි..!! " එයාලටත් ආදරේ දෙමු ..!! රෝහිත - ජයශ්‍රී”

“රූමස්සල” තේමා ගීතය පහතින්,

“රූමස්සල” පූර්ව ප්‍රචාරක පටය පහතින්,