ගායන ශිල්පී චලක චමුපති රිය අනතුරකට ලක් වෙයි
ජනප්‍රිය ගායන ශිල්පී චලක චමුපති පෙරේරා ඊයේ (26) දින අලුයම 2.30 ට පමණ අවිස්සාවේල්ල කොළඹ පරණ පාරේ හේවාගම ප්‍රදේශයේ සිදු වූ රිය අනතුරකින් තුවාල ලබා මුල්ලේරියාව රෝහලට ඇතුලත් කර තිබේ.
ඔහු පැදවූ මෝටර් රථය මාර්ගයෙන් ඉවතට පැන ඇළකට පෙරලීමෙන් මෙම අනතුර සිදුව ඇතැයි නවගමුව පොලිසිය පවස යි.
සිදුවීම සම්බන්ධයෙන් චලක චමුපතිගේ මව කල්‍යාණි පෙරේරා මාධ්‍ය වෙත ප්‍රකාශ කර තිබුණේ ඔහු එළඹෙන මස ඔස්ට්‍රේලියාව බලා පිටත්වීමට සුදානමක් ඇති බැවින් ඒ සඳහා අවශ්‍ය ලියකියවිලි සම්බන්ධයෙන් විස්තර විමසීමට බියගම සිටින මිතුරකුගේ නිවසට ගිය බවත් ඉන් අනතුරුව අලුයම සිය තලවතුගොඩ නිවසට පැමිණීමේදී නින්ද යාම නිසා අනතුරට ලක් වී ඇති බවත් ය.
කෙසේ වෙතත් ඔහුගේ තත්වය බරපතල නොවන බව රෝහල් ආරංචි මාර්ග සඳහන් කර යි.
