ටෙලිනිසට 25 පිරීම නිමිත්තෙන් ටෙලි තරගාවලියක්  

ටෙලි නිර්මාණවේදීන්ගේ සංසදයේ 25 වෙනි සංවත්සරය නිමිත්තෙන් ඒකාංගික ටෙලි පිටපත් රචනා තරඟයක් සහ ඒකාංගික ටෙලි නිර්මාණ තරඟාවලියක් පැවැත්වීමට කටයුතු සංවිධාන කර තිබේ.

මෙම තරඟාවලියේ ජයග්‍රහණය ලබාගන්නා ටෙලි පිටපත් සහ නිර්මාණ සඳහා වටිනා අවස්ථා හිමිවන බව සංවිධායකයෝ පවසති.

ඒ අනුව හොඳම ඒකාංගික ටෙලි පිටපත් අධ්‍යක්ෂණය සඳහා අධ්‍යක්ෂවරුන් වෙත යොමු කිරීමත් හොඳම ඒකාංගික ටෙලි නිර්මාණ ප්‍රදර්ශනය කිරීම සඳහා අවස්ථාව ලබාදීමත් සිදු වනු ඇත.

තරඟාවලියේ ජයග්‍රාහකයින්ට සම්මාන සහතික ප්‍රධාන උත්සවය අප්‍රේල් 26 වැනිදා කොළඹ බණ්ඩාරනායක සම්මන්ත්‍රණ ශාලාවේදී සිදු කිරීමට නියමිත ය.

මේ සම්බන්ධයෙන් වැඩි විස්තර ලිපිනය ලියූ අඟල් 9, 4 ලියුම් කවරයක් මාර්තු 15 වැනි දිනට පෙර ලේකම්, ටෙලි නිර්මාණවේදීන්ගේ සංසදය, 47/බී, කොළඹ පාර, පිළියන්දල යන ලිපිනයට එවීමෙන් ලබා ගත හැකිය.