එම්.ජී.ආර්. සිනමා දැක්මක්

ඉන්දීය දමිළ සිනමාවේ දැවැන්තයකු වූ එම්.ජී.ආර්. නැතිනම් මරුදුර් ගෝපාලන් රාමචන්ද්‍රන් රංගනයෙන් දායක වූ සිනමා නිර්මාණ ත්‍රිත්වයක් ඇතුලත් සිනමා දැක්මක් මාර්තු මසදී පැවැත්වීමට නියමිත ය.

මෙම සිනමාපට මාර්තු 8 වැනිදා සිට 14 වැනිදා දක්වා මැජෙස්ටික් කොළඹ, මැජෙස්ටික් යාපනය, කොන්කෝඩ් දෙහිවල, කැපිටල් මරදාන, සිනෙසිටි මරදාන, සමන්තා දෙමටගොඩ, රාජා යාපනය, සරස්වතී ත්‍රිකුණාමලය, සුගන්ධි මඩකලපුව, රීගල් නුවරඑළිය සහ රීගල් ගම්පහ යන සිනමා ශාලාවන්හි ප්‍රදර්ශනය කෙරේ.

කුදියිරුන් ද කොයිල්(1968), එංග වීට්ටු පිල්ලේ(1965) සහ නාම් නාඩු(1969) යන චිත්‍රපට එහිදී තිරගත කිරීමට නියමිත ය.

සීමාසහිත සිලෝන් තියටර්ස් මෙම සිනමා උලෙළ සංවිධානය කරයි.