ප්‍රවීන හොලිවුඩ් නිළි කැතරින් හෙල්මන්ඩ් අභාවප්‍රාප්ත වෙයි

ප්‍රවීන හොලිවුඩ් රංගන ශිල්පිනි කැතරින් හෙල්මන්ඩ් අභාවප්‍රාප්ත වී තිබේ.

රෝගී තත්වයක් නිසා මියයන විට ඇගේ වයස අවුරුදු 89 කි.

ඇමරිකාවේ ලොස් ඇන්ජලිස් නුවර පිහිටි සිය නිවසේ දී කැතරින් මියගොස් ඇත්තේ පසුගිය 23 වැනිදා ය.

Who's the Boss සහ Soap යන ටෙලි නිර්මාණවල රඟපෑ චරිත වෙනුවෙන් ඇය ගෝල්ඩන් ග්ලෝබ් සම්මාන දෙකක් හිමි කරගත්තා ය. එසේම Emmy සම්මාන සඳහා හත් වරක් නිර්දේශ ලැබුවා ය.

රූපවාහිනී සහ සිනමා නිර්මාණවලට අමතරව වේදිකා නිර්මාණ සඳහා ද කැතරින් සිය දායකත්වය සැපයුවා ය.