විසාකේසගේ “පාංශු” ඉමැජින් ඉන්ඩියා අන්තර්ජාතික සිනමා උළෙලට

විසාකේස චන්ද්‍රසේකරම්ගේ “පාංශු” සිනමා කෘතිය ඉමැජින් ඉන්ඩියා අන්තර්ජාතික සිනමා උළෙලේ දී (Imagine India International film festival) ප්‍රදර්ශනය කිරීමට නියමිත ය.

ඒ අනුව සිනමාපටය මාර්තු වැඩසටහන යටතේ එළඹෙන 23 වැනි සෙනසුරාදා රාත්‍රී 8ට ස්පාඤ්ඤයේ බාසිලෝනා නුවර ගිරෝනා සිනමා ශාලාවේ දී තිරගත කෙරේ.

තරගකාරී නොවන අංශයෙන් ඉදිරිපත් කර ඇති “පාංශු” ස්පාඤ්ඤ භාෂා උපසිරසි සහිතව එදින ප්‍රදර්ශනය කෙරෙනු ඇත.  

18 වැනි වරටත් සංවිධාන කෙරෙන ඉමැජින් ඉන්ඩියා අන්තර්ජාතික සිනමා උළෙල පැවැත්වීමට නියමිතව ඇත්තේ මැයි 17 වැනිදා සිට 31 වැනිදා දක්වා ස්පාඤ්ඤයේ මැඩ්රිඩ් හි දී ය.